敢言的邓兆尊一度因爆出“劈腿6富豪”的女星而引发话题，之前他和七师傅接受了李婉华的访问，期间，邓兆尊再次爆出猛料，揭示某些选美活动背后不为人知的潜规则。 他惊爆多年前为亚姐选美做嘉宾时，完赛后竟有职员递上附有价目的佳丽简介表，大家听就听得多，但由兆尊讲述所见所闻，劲精彩！

当日李婉华访问了邓兆尊和七师傅，七师傅话当年，爆出和兆尊有渊源：“我觉得佢系好男人，虽然好似古时皇帝一样，只想有新鲜感，唔会掂后宫三千妃嫔，所以当年咪谂住介绍啲港姐靓女畀佢认识，等佢可以百花齐放啰，点知惹怒‘把关’嘅3太（G奶陈小姐）！”兆尊却澄清3太只系讲笑冇嬲猪。

▲七师傅和李婉华揽实兆尊隔空送吻。

拒谈继子女财产分配

虽然3太育有2子女，但兆尊表示接受做继父，两位太太甚至会帮手管教：“我哋相处融洽，佢称呼我乜都得，钟意叫我爹哋我都唔会介意。”多了子女后，问到关于财产分配时？ 兆尊醒目避谈：“将来嘅嘢冇人会知，呢啲完全系投机性嘅嘢（有冇写定平安纸？ ）你（记者）做我条女先话你听啦，呢啲系国家私隐唔可以爆，安全性问题唔答得，而且就算有平安纸都可以随时改变，咪傻啦。”

三高受唔起兽性刺激

在旁的七师傅笑指兆尊的太太们已到狼虎之年，应付3位中女太太不容易。 兆尊却说：“我嘅欲望唔太大，暂时个个都安守本分，OK呀，搵啲少女咪仲烦。”此刻七师傅竟献计：“个个都要排期陪瞓，嘥大家精神，不如同3位太太一齐玩多人运动啦！”邓兆尊闻言耍手拧头，声称从冇玩过：“唔好谂呢啲啦！ 一只羔羊掉咗落个狮笼入面经已冇喇，更何况畀3只围就渣都冇！”他再笑住补充：“咁样做只会刺激到兽性，我有3高，唔好咁刺激。”七师傅赞扬兆尊够专一，即使身边的女人老了都不会弃养。 对此，兆尊解释说：“我对住佢哋唔会厌嘅，因为佢哋全部都系我控制范围，唔会有恶妻，而且我受唔起冲击，一冲就散㗎喇，更加冇资格做花花公子，其实我嘅家境只属中上，边个话我有十几亿呀？ 精子都冇啦。”

赞成体验社会光暗面

被误为“好色”的邓兆尊又再爆料：“10多年前离开TVB后，曾以嘉宾身份到现场睇亚姐竞选，选完后竟有幕后人员送上佳丽简介，里面有7至8个选手注明银码。”兆尊认为这些潜规则都是为了“搵食”而存在，但最奇怪和他完全扯不上关系：“我只系被邀请做参观嘉宾，点解要畀我睇价目表呢？ 哈！ 真系一个笑话嚟。”当时兆尊已有两位太太，故觉得系陷阱，冇半点动摇及兴趣，于是睇过就算：“我对呢方面冇乜兴趣，自己本身都好开心。”既然有潜规则，被问到是否仍会赞成女孩子参加选美？ 58岁兆尊睇得好通透，他拆解说：“每个人有拣选自己赛道嘅权利，至于赛道上点样跑、点样赢、点样失败、点样跌倒，系我哋自己决定嘅嘢，我会鼓励人哋去体验唔同嘅社会光暗面，越 后生体验受伤害会越少，坦白讲，唔系系选美，即使一间公司嘅小秘书，随时都可以畀人包养啦，喺社会上每个岗位及职业都会有呢啲嘢发生紧，只不过喺娱乐圈比较敏感及容易发生啲。 既然咁，睇下你选择行边个方向，要拣得嗰个条赛道就要小心啲保障自己。”

另外，沙姐明（林建明）爆当年李婉华拍亚视剧《香港一家人》时同林韦辰有拗撬，婉华却否认：“冇唔开心，可能太紧张对方表现，大声唔等如系嗌交。”不过，她坦言两人好耐冇联络。

以上内容归星岛新闻集团所有，未经许可不得擅自转载引用。