罗家英近日接受资深传汇人查小欣的YouTube频道访问，除了分享第四度患癌的病况，亦大爆与老婆汪明荃的家事，透露二人其实不多沟通，更不时争吵。

汪明荃由新闻得知罗家英患癌详情

罗家英早前自揭第四度患癌，采取不化疗、不电疗，用药物控制的治疗方式。罗家英在新一集节目中向查小欣分享，虽然他有跟老婆汪明荃提及过病情，但更多详情估计老婆都是由报道中得知。他说：“佢冇畀意见，不过我谂佢都同意嘅，佢都系出嫁从夫，丈夫话事……何况条命系我嘅，佢点话事啫！”罗家英表示得知再患癌后，只轻轻向老婆提及，“有同佢讲过吓，但佢好似唔系好认真，或者好专心咁听我讲，报纸出嚟，佢知得更清楚，之后都冇咩特别倾。”

罗家英：好多湿碎嘢要拗

汪明荃与罗家英相处方式是给对方很大自由空间，罗家英透露老婆知道他爱按摩，更会为他订房按摩，不过近年按摩瘾大减，于是买了按摩器代替人手为他“松筋”。罗家英透露，与汪明荃其实也有不少拗撬，在他心目中，汪明荃是个“硬颈”、有自己主见及善良的人，但亦由于老婆好有主见，因此会多争吵，而最常争吵的都是有关粤剧的东西。他说：“佢改变咗我肯同佢讲道理，以前我唔锺意同人辩论，以前大家嬲爆爆，坐喺度唔出声，而家唔系喇，坐喺度……讲啦！好多湿碎嘢要拗，大家讲道理啫，你要听就听，唔听咪算数。都系粤剧啦，佢锺意做戏、拍剧、唱歌、跳舞，但佢唔系好锺意做粤剧，唔系放好多时间落去，冇其他范畴咁多。”

汪明荃曾抱怨罗家英不称赞

他更指汪明荃做粤剧退步不少，“佢唔系好想我教，我认为佢唔好，可以好啲！跌咗分，如果佢喺87、88年同我做《穆桂英》有90分，佢而家最多得返70分。”说到他的专业范畴，罗家英连老婆都“冇面畀”，“佢又系闹我囉，话我唔赞佢囉，我又系好衰，我系唔锺意赞人，我好衰。”

罗家英公开19次求婚真相

外界不少人都认为汪明荃是一个难接近的人，罗家英指老婆心肠好，双方并没有说谁追求谁，而是彼此慢慢接近。他说：“佢能够同我拍拖，咁我有啲感恩嘅。”至于一直被指曾向汪明荃求婚19次，他说：“边有啲咁嘅事，呢啲系同啲记者做新闻啫，不如话佢求我结婚，我唔肯应承19次？”罗家英透露近来工作安排，表示正与友人合作处理剧本《柳如是》，“以前陈演恪嘅《柳如词卷》，因为我觉得我个年纪好适合做词卷编译，因为佢成70岁搵柳如是做老婆，咁……系大家男人嘅心愿（娶嫩妻）。”罗家英笑指估计又会被汪明荃指他乱说话，不过他早已习惯。

以上内容归星岛新闻集团所有，未经许可不得擅自转载引用